“上海”为啥体叫上海(沪语版)

多多

现在中华路、人民路之间合环(音：葵)城里厢，是老底子上海县(音：院)合县城，搿块地方称为“上海浦”。“海浦”是指通海合河流。“上”指上游，因为其勒勒“下海浦”合上游。“下海浦”勒今朝合虹口区提篮桥一带，至今仍旧有个下海庙。

　　上海合简称有“申”，得名于“春申江”。“春申江”就是“黄浦江”，又名“黄歇浦”。黄浦江合名字来源于，战国四大公子之一合“春申君——黄歇”。黄歇是楚国合令尹
，即宰相，为楚国灭脱了鲁国，伊合封地勒“吴”。不过，黄歇合时代，上海还勒勒海底下，经过几百年以后，沧海变桑田合变化，再有仔今朝合上海。大家为了纪念黄歇，所以用伊合名字命名“黄浦江”。不仅如此，上海周围有交关河流用黄歇合名字命名合，据说湖州搭仔江阴也有类似合河流名字。

　　上海合另外一合简称“沪”，来源于老里八早苏州河上合捉鱼工具，搿是大家侪晓得合。

　　上海勒勒古代还有一个雅称，就是“云间”。隋朝辰光，有个上海人：陆士龙，去首都洛阳，碰到洛阳人荀鸣鹤。荀鸣鹤自称：“日下荀鸣鹤”，才思敏捷合陆士龙回答“云间陆士龙”。日下指天子脚下合首都洛阳。因为风从虎、云从龙，所以陆士龙自称云间人士。由于搿一副对联对仗工整，忙上传开，于是上海得到雅称“云间”。不过，当时上海合中心勒勒松江一带。